बिहारो में प्रोफेसर लोकनि 65 वर्ष में रिटायर हेताह

मुख्यमंत्री नीतीश कुमार 30 जून कए विधान परिषद में कहलनि जे सरकार विश्र्वविद्यालय शिक्षक सभहक सेवानिवृत्ति उम्र 62 सं बढ़ाकए 65 वर्ष करबाक लेल सरकार तैयार छैक। चमचालोकनि के फायदा पहुंचएबाक लेल फैसला के बैकडेट सं लागू करबाक परंपरा रहल छैक मुदा एहि मुद्दा पर विधि विभाग सं परामर्शक बादे कोनो निर्णय लेल जाएत। मुख्यमंत्री शून्यकालक बाद विश्र्वविद्यालय शिक्षकलोकनिक लेल यूजीसी पैकेज लागू करए सम्बन्धी सदस्यलोकनिक अनुरोध पर कहलनि जे हुनका एहि सम्बन्ध में विशेष जानकारी नहीं छन्हि। हुनक कहब रहनि जे वर्तमान सरकार एहन कानून बनओने अछि जाहि सं यूजीसी वेतनमान स्वत: लागू भए जाएत।